Opning laurdag 25. juni kl 15:00, Bømlo Kultuhus
Øyvind Hjelmen i Bømlo Kulturhus med utstillinga:
ELSEWHERE
25.06 – 14.08 2011
Opning 25. juni kl 15.00 (merk tida)
Bømlo Kunstlag arrangerer også i år si tradisjonelle sommarutstilling i Bømlo Kulturhus.
Denne gangen vil dei visa ei utstillig av Stord-fotokunstnaren, Øyvind Hjelmen.
Øyvind Hjelmen er født på Stord i 1957. Hjelmen tok i 1999 svennebrev i fotografifaget. 2008 fekk han sin bachelor i moderne kunst og estetikk ved Universitet i Bergen. I mellomperioden har han delteke på divere fotografiske workshops i inn og utland.
Med denne utstillinga er det fyste gong han vitja nabokommunen.
Øyvind Hjelmen har arbeidd med fotografi som kunstnerisk uttrykksmiddel i meir enn 20 år, og hans arbeid har vore utstilt i Norge, USA, Tyskland, Russland, Storbritannia, Polen, Italia, Frankrike, Hellas, Latvia og Japan. Arbeida hans er kjøpt inn av blant andre Museum of Fine Arts i Houston, USA, og Centro Internazionale di Fotografia Scavi Scaligeri i Verona, Italia. Lista over offentlige innkjøp og utsmykningar er lang og verka hans er spredt rundt i verda. Men for oss lokalt kan ein merka seg at det me finn bilda hans på Stord Sjukehus.
Som billedkunstnar har han ein fot innanfor det tradisjonelle fotografiet, i og med at alle arbeida hans er filmbasert fotografi og alle bilda blir laga i eige mørkerom på barytt-papir. Samtidig er tema og motiva han arbeider med ganske tidlause, og handlar om noko me forheld oss til i våre eigne liv. Arbeidet blir dermed òg samtidsretta.
Utstillinga opnar laurdag 25.juni og vert hengjande i utstillingslokala til Bømlo kunstlag i kjellaren i Bømlo kulturhus fram til 14. august.
Legg att eit svar